Tuesday, July 17, 2012

பயணக் குறிப்புகள் - Bruges, பெல்ஜியம்- 3



ப்ருச்செல்ஸ் வந்த முக்கிய நோக்கமே, Bruges என்ற அந்த அழகிய நகரத்தை நாங்கள் ஒரு ஆங்கில படத்தில் பார்த்து அதன் அழகில் மயங்கி, எப்படியாவது பார்த்து விடவேண்டும் என்று தான். அந்த படம் முழுவதும் Bruges-ல் மட்டுமே எடுத்திருப்பார்கள்.  எங்கள் உறவினரும் இதை கேள்விப்பட்டு மிகவும் ஆச்சரியமாகிப் போனார். வருபவர்கள் எல்லோரும் Ghent, Antwerp போன்ற பெரிய நகரங்களுக்குத் தான் போக ஆசைப்படுவார்கள். நீங்கள் என்னடா என்றால் Bruges போக ஆசைப்படுகிறீர்களே என்று. ஒரு வழியாக, அவரிடம் வழியைக் கேட்டுக் கொண்டு விடைப் பெற்றோம். ஐரோப்பாவில் குடும்பத்துடன் தனியாக ஆரம்பித்தது எங்கள் பயணம்.

கூகிள்மேப்சில் நாங்கள் அன்று இரவு தங்கப் போகின்ற விடுதியின் முகவரிக்குப் போட்டு எடுத்து வந்திருந்த பிரிண்ட் அவுட்டுடன் கிளம்பினோம். வழியில் Antwerp , Ghent நகரங்களுக்குப் போகும் வழிகாட்டிகளை எல்லாம் தாண்டிதங்கும் விடுதிக்கு ஒரு வழியாக வந்து சேரும் பொழுது இரவு 8.30 மணி. இரண்டு அறைகள் எடுக்க வேண்டிய நிர்பந்தம்அந்த ஊர் வழக்கப்படி! கொஞ்சம் களைப்பாக இருந்ததால், சிறிது நேரம் இளைப்பாறி விட்டு, மீண்டும் கேமராவும் குடும்பம் சகிதமாக இரவு நேர Bruges  பார்க்க கிளம்பினோம். விடுதியிலிருந்து நகருக்குள் எப்படி போவது என்ற விவரங்களை விடுதி வரவேற்பாளரிடம்   கேட்டு தெரிந்து கொண்டு, இரவு நேரத்தில் ஊர் சுற்றப் போவதால் பிரச்சினை ஒன்றும் இல்லை என்று தெரிந்த பிறகு காரிலே கிளம்பினோம். கார் ஓட்டுவது இன்னும் வரை மிகவும் கஷ்டமான ஒன்றாகத்தான் இருந்தது. ஒரு பத்து நிமிடத்தில் ஊர் வந்து விட்டது. வரிசையாக கார்கள் இருந்த இடத்தில நாங்களும் காரை நிறுத்தி விட்டு, அந்த  வழியாக போய்க் கொண்டிருந்த காவல்காரரிடம் எத்தனை மணி வரை இங்கே பயமில்லாமல் நடமாடலாம் என்று கேட்டதற்குஅவரும் சிரித்துக் கொண்டே, ஒரு  பயமில்லாமல் இரவு முழுவதும் நடக்கலாம்பயப்படாமல் போங்கள் என்று சிரித்துக்  கொண்டே வழியனுப்பினார்.
எங்களை மாதிரியே ஐரோப்பாவைச் சேர்ந்த மற்ற நாட்டு மக்களும், வேறு மொழி பேசியபடியே குடும்பத்துடனும், சிறு குழந்தைகளுடனும் வந்து கொண்டிருந்தார்கள். அவர்களுடைய மொழியை அவர்கள் கடினமாக அழுத்தி பேசியது போல் இருந்தது. Bruges நகர நுழைவாயில் ஏதோ கோட்டைக்குள் போவது போல் கோட்டைச்சுவர்களுடன் இருந்தது. எங்கு காணினும், உணவகங்கள் மயம். பெரிய பெரிய பூந்தொட்டிகளுடன் பார்பதற்க்கே அவ்வளவு அழகு. ஊர் முழுவதும் பலவிதமான சிலைகள். நீரூற்றுகள்!!! இரவு நேரத்தில் வண்ண வண்ண விளக்குகளுடன் நெஞ்சை அள்ளும் விதத்தில் ஒருவித திட்டமிடலுடன் அமைக்கப்பட்டிருந்தன
பல மைல்களுக்கு நடந்து ஆவலுடன் காண வந்திருந்த அந்த ஆற்றையும், அதன் மேல் கட்டப்பட்டிருந்த பாலங்களையும், ஆற்றுடன் ஒட்டிக்கொண்டிருந்த வீடுகளையும் இரவு நேர நிலா வெளிச்சத்தில் கண்டு களித்தோம்.
அங்கிருந்து போக மனமில்லமால், களிப்பாலும், பசியாலும் மீண்டும் விடுதிக்கே வந்து சேர்ந்தோம். நடுவில் வழியை தவற விட்டு, ஒரு வழியாக யூகித்துக் கொண்டு திரும்பும் போது இரவு 11.30 மணி. எல்லா உணவகங்களும் மூடி விட்டன. பசி எடுக்கவே, பாலுக்கு சொல்லி விட்டு corn flakes சாப்பிட்டு விட்டு  தூங்கிப்போனோம்.
மறுநாள் காலைமணிக்கு நகர்வலம் போகத் தயார் ஆனோம். காலையில் விடுதியிலேயே  காலை சாப்பாடு சாப்பிட்டுக் கொண்டோம். வித விதமான பிரட் வகைகள், பழங்கள், அவித்த முட்டைகள், scrambled  eggs , வெண்ணைஸ்ட்ராபெர்ரி /திராட்சை  ஜாம்கள் , பெல்ஜியன் waffles, தேநீர், காப்பி என்று அழகாக வைத்திருந்தார்கள். நன்றாக சாப்பிட்டு விட்டு, பெட்டிகளை காரில் ஏற்றி, கணக்கை செட்டில் செய்து விட்டு, பகல் நேர Bruges நகரத்தை காண விரைந்தோம்.
அந்த காலை பொழுதிலேயே அவ்வளவு கூட்டம். காலை உணவகங்கள் திறந்திருந்தன. காரை நிறுத்தி விட்டு, மெதுவாக நடக்க ஆரம்பித்தோம். அங்கங்கே நிறுத்தி எங்களை முன்னே நிறுத்தி, சிலைகளுடனும், நீரூற்றுக்களுடனும், அழகிய கட்டிடங்களின் முன் வைத்தும் என் கணவர் படங்களை எடுத்துக் கொண்டே வந்தார். முதலில் ஆற்றில் படகில் செல்ல டிக்கெட்டுக்களை வாங்கி விட்டு வரிசையில் காத்திருந்தோம். இந்த சூழ்நிலை வெனிஸ் நகரத்தை நினைவுறுத்தும்.  அங்கு நான்கைந்து இடங்களிலிருந்து படகுகள் பயணிகளை ஏற்றிக் கொண்டு போகிறது. எங்களுக்கான படகு வந்தவுடன், குஷியாக கிளம்பி ஒவ்வொருவராக வரிசையாக  அமர்ந்து கொண்டோம். படகோட்டியும் நல்ல ஆங்கிலத்தில் வணக்கம் சொல்லிவிட்டு, வரிசையாக வரும் கட்டிடங்களின் அமைப்பையும், அதன் வரலாறையும் நகைச்சுவையுடன் சொல்லிக் கொண்டே வந்தார். அது ஒரு மணி நேரப் பயணம். காலை வெயில் மூஞ்சியில் சுள்ளென்று அடிக்க கையை தண்ணீரில் நனைத்துக் கொண்டே வந்தோம்ஆற்றுப் பயணம் முடிந்தவுடன் அங்கிருந்த மீன் மார்க்கெட் பார்க்க கிளம்பினோம். முன்பு மீன் மார்க்கெட்டாக இருந்த இடத்தில் இப்போது சிறு கடைகளை போட்டிருந்தார்கள்.  நம் கோவில் கடைகளை அது ஞாபகப்படுத்தியதுஅவற்றை எல்லாம் ஒரு பார்வை பார்த்து விட்டுசிறிது நேரம்  ஆற்றையும்அதில் போகும் படகுகளையும் பார்த்து விட்டுநகரின் வழியே கோட்டைக்குள் நுழைந்தோம். இந்த நகரம் ஒரு medieval  கால நகரம். பத்தொன்பாவது நூற்றாண்டு காலத்தை சேர்ந்த பழமையான கட்டிடங்கள். அந்த காலத்தை நினைவுறுத்தும் வகையிலிருக்கும் கட்டிடங்களை நன்றாக அதன் தொன்மை மாறாமல் பராமரித்து வைத்திருக்கிறார்கள். மதுரை மகாலும்மீனாக்ஷி அம்மன் கோவிலும் , புது மண்டபமும்ராணிமங்கம்மாள் அரண்மனையும் இன்னும்   வரலாற்று முக்கியம் பெற்ற இடங்களை இந்தியாவில் நாம் இப்படி பராமரிப்பதே இல்லை என்று  நினைக்கையில் மிகவும் வருத்தமாக இருந்தது. நாம் வரலாற்றுக்கும்வரலாற்றுமிக்க இடங்களுக்கும் முக்கியம் கொடுப்பதில்லைஅதை எல்லாம் மேல்நாட்டவர்களிடமிருந்து கண்டிப்பாக கற்றுக் கொள்ள வேண்டும்.
 நகரம் முழுவதும் பெரிய பெரிய கல்லினால் போடப்பட்ட தெருக்கள். ( cobblestones ) 

நிறைய அருங்காட்சியகங்கள்தெருவில் ஓவியர்கள் 
வரைந்த ஓவியங்களை விற்றுக் கொண்டிருந்தார்கள்
சில அழகான ஓவியங்களை வாங்கினோம்நகரின் மையப் பகுதியில் ஓங்கி உயர்ந்த சர்ச், ஆலயமணி கழுத்தை வளைத்து பார்க்க வேண்டிய இடங்கள்
அங்கு தள்ளு வண்டியில் விற்றுக்கொண்டிருந்த தின்பண்டங்களை வாங்கிச் சாப்பிட்டோம். மீண்டும் நகருக்குள் நடை. நடந்தோம் நடந்தோம் நடந்துக் கொண்டே இருந்தோம். தெருக்கள் எல்லாம் அவ்வளவு அழகு. நீண்ட குறுகலான தெருக்கள். மதுரையில் சில தெருக்களை ஞாபகப்படுத்தியது. வீடுகள் எல்லாம் நன்றாக, பளிச்சென்று இருந்தது. தமிழ்நாட்டில் சில கிராமங்களை படத்தில் இப்படி பார்த்திருக்கிறேன். ஒவ்வொரு வீட்டிலும் பெரிய கதவுகள். சின்ன சின்ன ஜன்னல்கள். ஜன்னல்களில் வண்ண மலர் பூந்தொட்டிகள். தபால்காரர் ஒவ்வொரு வீட்டைத் தட்டி தபால்களை கொடுத்து விட்டு செல்கிறார்.  
அந்த குறுகிய தெருக்களில் சின்ன சின்ன கார்களும், ஸ்கூட்டர்களும், சைக்கிள்களும் செல்கிறதுஇப்படியே நடந்து வந்து கொண்டே வருகிற வழியில் இருந்த கடைகளை நோட்டம் விட்டுக் கொண்டும், சில சாமன்களை வாங்கிக் கொண்டும், 'ஹேமா' என்ற கடையை பார்த்ததும் அக்காவின் பெயரில் ஒரு கடை, அதுவும் Bruges இல் என்று வியந்து கொண்டே ஒரு 'கிளிக்'. எனக்கு எங்கு சென்றாலும் அந்த ஊர் ஞாபகார்த்தமாக ஏதாவது ஒரு பொருளை வாங்க வேண்டும். அங்கும்சில பொருட்களை வாங்கி வீட்டில் வைத்திருக்கிறேன். அப்படியே பல கடைகளை கடந்த பின், மிகவும் பரிச்சயமான 'pizza  hut'  என்ற போர்டைப் பார்த்தவுடன் என் மகனுக்கு ஒரே ஆனந்தம். எல்லோரும் pizza  சாப்பிட்டு முடித்து விட்டுமீண்டும் ஒருமுறை பெல்ஜியம் ஐஸ் கிரீம் சாப்பிட்டு விட்டுஜெர்மனி கிளம்ப ஆயத்தமானோம்
கிளம்பும்  போது மணி பகல் இரண்டை நெருங்கிக்கொண்டிருந்தது. மீண்டும் வந்த வழியே Antwerp , Ghent , ப்ருச்செல்ஸ் ஏர்போர்ட் கடந்து நெதர்லாண்ட்ஸ் வழியாக ஜெர்மனி பயணம். நடுநடுவே பாலங்களில் வேலைகள் நடந்து கொண்டிருந்ததால் வாகன நெரிசலில் மாட்டிக் கொண்டோம். குழந்தைகளும் தூங்க ஆரம்பித்தார்கள். நடந்த களைப்பால்  தூக்கம் கண்ணை சுற்றினாலும், எங்கே நான் தூங்க ஆரம்பித்தால் என் கணவர் கார் ஓட்ட சிரமப்படுவாரோ என்றெண்ணிக் கொண்டு வேடிக்கைப் பார்த்துக் கொண்டும் , வெட்டிக் கதைகளைப் பேசிக் கொண்டும் வந்தோம். ப்ருச்செல்சிலிருந்து பத்து மணி நேர பயணம் ஜெர்மனிக்கு


No comments:

Post a Comment