இன்றைய வாழ்வியல் முறையில் கைபேசி இல்லாமல் வெளியில் செல்வது என்பது இயலாத காரியமாகி விட்டது. அலுவலகம், கடைகளுக்குச் செல்வது, ஆன்லைனில் வர்த்தகம், கட்டணங்களைக் கட்டுவது, கிரெடிட் கார்டு, வங்கி முதல் பயணங்கள் வரை அனைத்துத் தகவல்களையும் சேமிக்கவும் உடனுக்குடன் கண்டறியவும் செல்ஃபோன்களின் துணையை மட்டுமே நம்பியிருக்கிறோம். ஒரே பிரச்சினை என்னவென்றால் அதன் பேட்டரி பவர். அதற்கும் பொது இடங்களில் சார்ஜ் செய்து கொள்ள வழிவகைகள் செய்து விட்டார்கள். அப்பாடா! என்று நிம்மதி பெருமூச்சு விட்டால் இப்போது அதற்கும் பிரச்னை😞
இப்பொழுதெல்லாம் தனி மனிதனின் தகவல்களைத் திருடிப் பிழைக்கும் கும்பல் எப்படியெல்லாம் நம்முடைய கணினி, செல்பேசிகளின் மூலம் அவற்றைப் பெறுகிறது? எவ்வாறு அவர்களிடமிருந்து தொழில்நுட்ப சாதனங்களைத் தற்காத்துக் கொள்வது என்று தினமும் ஒரு தகவலாக வெளியிட்டுக் கொண்டிருக்கிறது அரசும், அலுவலகங்களும், சாதன நிறுவனங்களும்.
தற்போது இலவச பொது தொலைபேசி சார்ஜிங் நிலையங்களைப் பயன்படுத்துவதற்கு எதிராக 'FB'I எச்சரிக்கை விடுத்திருக்கிறது. மால்கள், விடுதிகள், விமான நிலையங்களில் உள்ள இலவச பொது சார்ஜர்களைப் பயன்படுத்துவதைத் தவிர்க்க வேண்டும் என்றும், தங்கள் சொந்த USB கேபிள்கள் மற்றும் சார்ஜிங் பிளக்குகளை பயன்படுத்துவது மட்டுமே நல்லது என்றும் சட்ட அமலாக்க நிறுவனம் கூறுகிறது. "இலவச பொது சார்ஜர்கள் மூலமாக ஃபோன், டேப்லெட், கணினியை ஹேக்கர்கள் அணுகக்கூடிய மால்வேர் மென்பொருள் மூலமாக எளிதில் தகவல்கள் திருடப்படுவதால்(ஜூஸ் ஜாக்கிங்), இலவச சார்ஜிங் நிலையங்களைப் பயன்படுத்துவதைத் தவிர்க்கவும்" என்று FBI இன் டென்வர் கள அலுவலகத்தின் ட்வீட் தெரிவித்துள்ளது.
இணையத்தில் இணைக்கப்படும்போது மிகவும் எச்சரிக்கையாக இருக்க வேண்டும். மின்னஞ்சல் இணைப்பைத்(அட்டாச்மெண்ட்) திறப்பது, குறுஞ்செய்தியில் உள்ள இணைப்பைப்(லிங்க்) பின்தொடர்வது, ஆன்லைனில் பொருட்களை வாங்குவது என்று பல இடங்களிலும் நம் தகவல்களைப் பெற திருடர்கள் காத்துக் கொண்டிருக்கிறார்கள். அதனால் இணையம் சார்ந்த குற்றங்கள் மற்றும் இணைய ஊடுருவல்களைத் தடுப்பதற்கு நாம் ஒவ்வொருவரும் விழிப்புடன் இருக்க வேண்டும்.
1. கணினிகள் மற்றும் தரவைப் பாதுகாக்க மென்பொருளைப் புதுப்பித்த நிலையில் வைத்திருக்க வேண்டும். வலுவான, புகழ்பெற்ற வைரஸ் தடுப்பு நிரலை நிறுவுதல் அவசியம்.
2. ஒவ்வொரு ஆன்லைன் கணக்கிற்கும் வலுவான, தனித்துவமான கடவுச்சொற்றொடரை உருவாக்கி, அவற்றைத் தொடர்ந்து மாற்றிக் கொண்டிருக்க வேண்டும். பல கணக்குகளில் ஒரே கடவுச்சொற்றொடரைப் பயன்படுத்துவதும் ஆபத்தானது.
3. அனுப்புநரின் மின்னஞ்சல் முகவரியைச் சரிபார்க்கும் வரை எந்த இணைப்புகளையும் திறக்க வேண்டாம்.
4. உங்கள் இணைப்புகளைப் பாதுகாக்க பொது வைஃபை நெட்வொர்க்குடன் இணைக்கும்போது கவனமாக இருக்கவும். பொது நெட்வொர்க்கில் இருக்கும்போது வாங்குதல்கள் உட்பட எந்த முக்கியப் பரிவர்த்தனைகளையும் செய்ய வேண்டாம். விமான நிலையங்கள், ஹோட்டல்கள் அல்லது ஷாப்பிங் சென்டர்களில் இலவச சார்ஜிங் நிலையங்களைப் பயன்படுத்துவதைத் தவிர்க்கவும். அதற்குப் பதிலாக மின் நிலையத்தைப் பயன்படுத்தவும். உங்கள் சொந்த சார்ஜர் மற்றும் யூ.எஸ்.பி கார்டுகளை எடுத்துச் செல்லவும்.
5. உங்கள் பணத்தையும் தகவலையும் பாதுகாக்க, அனைத்து கடிதப் பரிமாற்றங்களிலும் உள்ள மின்னஞ்சல் முகவரியைச் சரிபார்த்து, இணையதள URLகளை ஆராயவும். மோசடி செய்பவர்கள் பெரும்பாலும் எழுத்துப்பிழையில் ஒரு சிறிய மாறுபாட்டைப் பயன்படுத்தி முறையான தளம் அல்லது மின்னஞ்சல் முகவரியைப் பிரதிபலிக்கிறார்கள்.
6. ஒரு மின்னஞ்சல் முறையான நிறுவனத்திலிருந்து வந்தது போல் தோன்றலாம். ஆனால் உண்மையான மின்னஞ்சல் முகவரி சந்தேகத்திற்குரியது. உங்கள் கணக்குத் தகவலைப் புதுப்பிக்க, சரிபார்க்க அல்லது சரிபார்க்கும்படி கேட்கும் உரைச் செய்தி அல்லது மின்னஞ்சலில் உள்ள இணைப்பைக் கிளிக் செய்ய வேண்டாம். உங்கள் கணக்கின் நிலையைப் பற்றி நீங்கள் கவலைப்பட்டால், உங்கள் கணக்கில் உள்நுழைய நிறுவனத்தின் இணையதளத்திற்குச் செல்லவும் அல்லது அதிகாரப்பூர்வ இணையதளத்தில் பட்டியலிடப்பட்டுள்ள தொலைபேசி எண்ணை அழைக்கவும். பணம் செலுத்துதல் அல்லது நிதி பரிமாற்றத்திற்கான அனைத்து மின்னணு கோரிக்கைகளையும் கவனமாக ஆராயவும். உடனடி நடவடிக்கையை வலியுறுத்தும் எந்த செய்தியிலும் கூடுதல் சந்தேகம் கொள்ளுங்கள்.
7. மோசடிக்கு எதிரான கூடுதல் பாதுகாப்பிற்காக கிரெடிட் கார்டு மூலம் ஆன்லைனில் வர்த்தக பரிமாற்றம் செய்வது நல்லது.
8. ஆன்லைனில் நீங்கள் சந்திக்கும் எவருக்கும் பணத்தை அனுப்பாதீர்கள் அல்லது உங்களுக்கு நன்றாகத் தெரியாத நபரை உங்கள் வங்கிக் கணக்கை அணுக அனுமதிக்காதீர்கள்.
9. இணைய குற்றங்களைப் புகாரளிக்க, FBI இன் இன்டர்நெட் கிரைம் புகார் மையத்திற்கு (IC3) உடனே ஒரு அறிக்கையைத் தாக்கல் செய்யவும்.
விழிப்புடன் இருக்க வேண்டிய நேரம்!
No comments:
Post a Comment