பெருகி வரும் சர்க்கரை நோயாளிகள் அரிசி, கோதுமைக்கு மாற்றாக மீண்டும் சிறுதானியங்களின் மேல் கவனத்தைச் செலுத்தியுள்ளதால் வரலாறு திரும்புகிறது. சிறுதானியங்களின் பயன்பாடு நவீன உலகில் அதற்கான இடத்தை ஆக்கிரமித்துக் கொள்ள ஆரம்பித்திருக்கிறது.
வீட்டுக்கு அருகில் இருக்கும் கடையில் நான் கேட்ட சிறுதானிய வகை கிடைக்கவில்லை. அங்கு வேலை செய்பவர் உங்களுக்குத் தெரிந்தவர்கள் இந்தியாவில் இருந்து அனுப்ப முடியுமென்றால் எங்கள் கடையைத் தொடர்பு கொள்ளலாம் என்று அவருடைய விசிட்டிங் கார்டையும் தந்தார். என்ன ஒன்று, அமெரிக்காவிற்கு ஏற்றுமதி செய்யும் லைசென்ஸ் இத்தியாதிகள் இருக்க வேண்டும். சிலரிடம் கேட்டதற்கு அப்படிப்பட்ட முறையான அனுமதி தங்களிடம் இல்லை என்று கூறி விட்டார்கள்.
இந்திய மற்றும் அமெரிக்க கடைகளில் சிறுதானியங்களின் வரவு அதிகரித்திருக்கிறது. மக்களும் அரசிக்கு மாற்றாக பயன்படுத்துகிறார்கள். நானும் முதல் முறையாக வரகரிசி (Kodo Millet) வாங்கி வெண்பொங்கல் செய்து பார்த்தேன். முதன்முதலாக இந்த வருடம் வரகு அரிசியில் செய்த பொங்கல் பரீட்சார்த்த முயற்சி வெற்றி பெற்றது😋 சுவையாக இருந்தது. இனி மெல்ல மெல்ல குழந்தைகளுக்கும் சிறுதானியங்களை அறிமுகப்படுத்த வேண்டும்.
வரகரிசி பொங்கல் செய்முறை
இன்றைய நன்னாளில் சூரிய பகவானுக்கும், உலகிற்கெல்லாம் பசியைப் போக்கும் விவசாயிகளுக்கும், கால்நடைகளுக்கும் நம் நன்றியை செலுத்துவோம். விவசாயிகள் படும் துன்பங்களை நாம் அறிவதில்லை. மக்களின் பசியைப் போக்குபவர்கள் இன்றும் வறிய நிலையில் இருப்பது வேதனை. அவர்கள் வாழ்வும் சிறக்க வேண்டிக் கொள்வோம்.
அனைவருக்கும் இனிய பொங்கல் நல்வாழ்த்துகள்.
இன்றைய நன்னாளில் சூரிய பகவானுக்கும், உலகிற்கெல்லாம் பசியைப் போக்கும் விவசாயிகளுக்கும், கால்நடைகளுக்கும் நம் நன்றியை செலுத்துவோம். விவசாயிகள் படும் துன்பங்களை நாம் அறிவதில்லை. மக்களின் பசியைப் போக்குபவர்கள் இன்றும் வறிய நிலையில் இருப்பது வேதனை. அவர்கள் வாழ்வும் சிறக்க வேண்டிக் கொள்வோம்.
அனைவருக்கும் இனிய பொங்கல் நல்வாழ்த்துகள்.
