'கர'

ரொம்ப நாளாச்சே! ஏதாவது தமிழ் படம் பார்க்கலாம்னு நெட்ஃப்ளிக்ஸ்ல தேடினப்ப முன்னாடி வந்து விழுந்தது 'கர' படம். அதுவரைக்கும் தனுஷ் அதுல நடிச்சிருக்கார்னு கூட தெரியாது. ஆனால் ஒரு விழாவில் அவரும் மமிதா பைஜூவும் அருகருகே அமர்ந்து பேசிக்கொண்டிருப்பதைப் பார்த்தப்ப சரி அடுத்த படத்துல ஜோடி போலிருக்குன்னு நினைத்தேன். ஏற்கெனவே இட்லிக்கடை பார்த்து சட்னி ஆனதால நானே இங்கிபாங்கி போட்டுட்டு இருக்கிறப்ப என்ன படம்னு ஈஷ்வர் கேட்கவும் தனுஷ் படமாம்னேன். என் போறாத நேரம், ஈஷ்வரும் படம் பார்க்க உட்கார்ந்துட்டார்!

முன்னாள் மாமனார் கண்ணம்மா, கண்ணம்மான்னு ஒரு பாட்டுல உருகினா முன்னாள் மருமகனுக்கும் அப்படியே ஒரு பாட்டு வைக்கணும்னு திராவிட தமிழ் உலகம் நினைச்சிருக்கு. பாவம், மமிதா. என்ன நினைச்சு இந்தப் படத்துல நடிச்சாரோ தெரியல. கொடுத்த கதாபாத்திரத்துக்குப் பாத்திரம் தேய்க்கிற காட்சிகள் தான். இதெல்லாம் ஒரு படம்னு வழக்கம் போல திட்டிட்டு கிளப்பிட்டார் ஈஷ்வர். தலைவலி வந்தாலும் மாத்திரை போட்டாவது படத்த பார்ப்போர் சங்கத்து ஆளு நான்😁தொடர்ந்து பார்க்க ஆரம்பித்தேன்.

வறண்ட நிலம்னாலே பின்னணியில் இந்தக்குரலெடுத்து பாட்டு போட்டு அனத்துறது. ஒரு தடவை அவார்ட் கொடுத்துட்டா போதும். அதே ஃபார்முலா. போதும்பா!

அது என்ன எல்லார் நிலத்துலேயும் ஒரு ட்ராக்டர்? ஒரு சமாதி. நானும் ராமநாதபுரம் பக்கம் போயிருக்கேன். இப்படிலாம் பார்த்ததே இல்லை. நடைமுறைக்கு கொஞ்சம் கூட ஒத்து வராத காட்சிகள்னா தமிழ்ப்படங்கள்ல கொட்டிக் கிடக்கும். ஏமாற்றின வங்கியிலருந்து பணத்தைத் திருடி ஏமாந்தவங்களுக்கு கொடுக்குற ராபின்ஹூட் தனுஷ். அதுக்கு பண்ற கூத்துகள். இதுதான் படம்.

சமீபமா, கருப்பசாமிய வச்சு பாடல்கள் என்ன? படங்கள்ல குலசாமியா காமிச்சு காட்சிகள் என்ன? இந்தப்படத்திலும் அப்படித்தான். ஏதாவது அஜெண்டா கிஜண்டா இருக்குமோ?இயக்குநர் ரவிக்குமார் நல்லா நடிச்சிருந்தார். வடிவேலு ஒரு பேட்டியில் இந்த மதுரைக்காரனுங்க கோவக்காரனுங்க. எப்பவும் முறைச்சுக்கிட்டே 'உர்ர்ர்ர்ர்ர்'னு இருப்பாங்க. அப்படிதான் படம் முழுவதும் கோவக்கார தனுஷ். கொஞ்சம் எடை கூடினதால வேற மாதிரி தெரிஞ்சாரோ என்னவோ! மாமாவா கருணாஸ். கொடுத்த கதாபாத்திரத்திற்கு அவரும் நல்லாவே நடிச்சிருக்கார்.

என்ன? கேட்ட வார்த்தைகள் கிடையாது. கவர்ச்சி, குத்தாட்டம் கிடையாது. படம் முழுவதும் ஓராயிரம் கதாபாத்திரங்கள் இல்லை.வெட்டு, குத்து, ரத்தம் கபளீகரம்னு ஓவர் வன்முறை இல்லை. தனுஷ் தனுஷ் தனுஷ் மட்டும் தான்.

மலையாள நடிகர்களை மீண்டும் தமிழ்ப்படங்களில் பார்க்க முடிகிறது. கதையில் ஆயிரத்தெட்டு ஓட்டைகள் இருந்தாலும் பொறுமையாகப் பார்ப்பவர்களுக்கு ஏதாவது இனாம் கொடுக்கலாம். நாங்களும் பாவம் தான😂

மணிரத்னம் குப்பை மாதிரி படத்தை எடுத்தாலும் அவருடைய ரசிகர்கள் 'ஆகா, ஆகா' என்று பாராட்டுவார்கள். ரஜினி கேவலமான கதையில் சொரித்தனமா நடிச்சிருந்தாலும் வெட்கமே இல்லாம நல்லாருக்கு தலைவான்னு சொல்ற மாதிரி இங்கேயும்...

இதுக்கு கே-ட்ராமா பார்த்திருக்கலாமேன்னு தோணுச்சுன்னா நீயும் என் இனமே!