உலகப்போர் நடந்து கொண்டிருந்த சமயத்தில் கூட இப்படிப்பட்ட படங்களை எடுக்க முடிந்திருக்கிறது! ராணுவத்திலிருந்து ஒய்வு பெற்ற கதாநாயன். திருமணமாகாதவர். பெண்கள் என்றால் கனிந்து விடும் சுபாவம் அதுவும் அழகான பெண்கள் என்றால் கேட்கவே வேண்டாம். அவருடைய அண்ணன் தம்பிக்கு கடிவாளம் போட்டுக் கொண்டே இருந்தாலும் எல்லார் கண்ணிலும் மண்ணைத்தூவி தன் வீட்டில் குடியிருக்கும் மீன்களை விற்கும் விதவைப்பெண், பேரழகியிடம் மனதைப் பறிகொடுக்கிறார். அப்படியொரு வழிசல் ஆசாமி.
தான் குடியிருக்கும் வீட்டை காலி செய்யாமல் இருக்க கதாநாயகனை நன்றாகவே பயன்படுத்திக் கொள்ளும் கதாபாத்திரத்தில் சோஃபியா லாரென். அழகுப்பதுமையாக 'சிக்'கென பட முழுவதும் நீட்டி முழக்கிப் பேசிக் கொண்டேஏஏஏஏஏ இருக்கிறார். காதலனிடம் சேர்ந்தாரா இல்லை வீட்டு உரிமையாளரிடம் சமரசம் செய்து கொண்டாரா என்பதே படம்.
மனம் விட்டுச் சிரிக்க பல காட்சிகள். கதாநாயகனின் தற்காலிக குடியிருப்பின் உரிமையாளர் ஒரு விதவைப்பெண். சர்ச், பைபிள் என்று மதத்தின் வழியில் வாழ விழைபவர். கதாநாயகனின் மேல் ஒரு தலைக்காதல். இவர்களையெல்லா மிஞ்சும் விதத்தில் வேலைக்காரப்பெண்ணாக அவ்வப்போது கருத்துக்களை உதிர்க்கும் பெண் கதாபாத்திரம். இத்தாலியின் சொர்ரெண்டோ என்ற அழகான கடற்கரையோர சிறு நகரத்தில் படமாக்கியிருக்கிறார்கள். நகைச்சுவைக்காட்சிகளுடன் விரசமில்லாத அருமையான படம்.
இப்படியொரு படம் தமிழில் வர வாய்ப்பே இல்லை.
நெட்ஃப்ளிக்ஸ்ல் காண கிடைக்கிறது. என்ஜாய்!
No comments:
Post a Comment